İslami Nizam Elmdədir

İlahi izinlə zəif cüssəli mal-mülk və məqam sahibi olmayan Allaha (c.c) qəti bir imanla inanmış dünyaya dəyər verməyən bir dərviş bütün mənliyi ilə ayağa duraraq bu rəzalətin önünə doğruldu.

Hz. Ömər (r.a) soyundan gələn İmam Rəbbani Əhmədi Faruki Sərhəndi həzrətləri bütün mənalı həyatını İslamın Hind torpağında yenidən dirçəlməsi və ayaqda durması mübarizəsinə sərf etdi. Qəlbini bürümüş xilaskarlıq elmi ilə Hz. Məhəmmədin (s.ə.s) sünnəsinin dirildilməsi naminə böyük bir mücadiləyə, mübarizəyə qalxdı. Həm də Hindistanda o qədər alimin olmasına baxmayaraq, bu silahsız və kimsəsiz kişi, iqtidarın qeyri-məşru işlərinə inanılmaz müxalifət sərgiləyərək söhbət halqasında yetişdirdiyi insanlar və irşad naminə yazdığı məktubları sayəsində hökümdar və onun əlaltılarının bütün səylərinə baxmayaraq İslamın qəlbləri aydınladan dirilik ruhunu hindistanlı müsəlmanların mənliyinə hakim edə bildi. Bu mübarizə ilə Əkbər şahın dini-ilahisi, adamları və çevrəsi tərəfindən uydurulan bütün bidətlər məğlubiyyətə düçar oldu. Bu gün artıq Hindistanda olan 200 milyona yaxın müsəlmanın mübarək dinimizi yaşaması, İmam Rəbbani həzrətlərininin elmi ilə gerçəkləşdirdiyi haqq mücadiləsinin parlaq nəticəsidir.

Təəssüflə qeyd etməliyik ki, informasiya imkanlarının geniş şəkildə yayıldığı zamanəmizdə İmam Rəbbani həzrətlərinin şəxsiyyətinə münasibət birmənalı deyil. Xüsusən də təsəvvüflə əlaqədar mürşid-mürid münasibətləri, mənəvi hal və həssasiyyətlər bidət və sapıqlıq olaraq dəyər qazanmaqda və imamın bənzəri olmayan elm mücadiləsinə kölgə salınmaqdadır. Sanki bunları yüz illər öncə görən böyük alimin açıqlaması ona qarşı irəli sürülən bütün iddialara tutarlı cavab verməkdədir:

İmam Rəbbani həzrətləri belə buyurur:

“Din üç əsasdan ibarətdir! – Elm, əməl və ixlas. Bunlar yerinə oturdulmadıqca dinin tələblərini layiqincə yaşamaq mümkün deyil. Dinin tələblərinin yerinə yetirilməsi nəticəsində dünyəvi və axirətə aid olan bütün səadətlərin üstündə olan, Allah rizası gerçəkləşir. Ona görə də din dünya və axirətə aid bütün səadətlərin təminatçısıdır və dinin xaricində ehtiyac duyacağımız faydalı heç bir şey yoxdur”.

Sufilərin tətbiqat sahəsi olan təriqət və həqiqət isə dinin üçüncü parçası olan ixlasın tamamlayıcıları olmaqla dinimizə xidmət etməkdədir. Təriqət və həqiqətin məqsədi ancaq dini tamamlamaqdır. Allahaa (c.c) olan mənəvi yolçuluq əsnasında sufilikdə və iç aləmdə yaşanan mənəvi hallar, mərifətlər əldə edilməsi gərəkən əsl məqsəd deyildir. Bunlar ancaq təriqət mənsublarının tərbiyəsində istifadə edilən görünüş və xəyallardan ibarətdir. Bunların hamısını aşaraq riza məqamına nail olmaq lazımdır. Çünki təriqət və həqiqət məqamlarının keçilməsindəki əsas məqsəd riza məqamına yol açan ixlası əldə etməkdən ibarətdir.

Bir ilahi lütf olaraq elmi, qeyrəti, əzmi ilə dünyanın, şeytanın, nəfsin qurduğu cəhalət divarlarını yararaq qəlblərə həqiqət pəncərələrini açan İmam Rəbbani həzrətləri “(Ya Peyğəmbər!) And olsun ki, (Hüdeybiyyədə) ağac altında sənə beyət etdikləri zaman Allah möminlərdən razı oldu. (Allah) onların ürəklərində olanı (sənə sadiq qalacaqlarını, əhdə vəfa edəcəklərini) bildi, onlara (öz dərgahından) arxayınlıq (rahatlıq, səbr, səbat, mənəvi qüvvə) göndərdi və onları yaxın gələcəkdə qazanılacaq bir qələbə (Xeybərin fəthi) ilə mükafatlandırdı.” (Əl fəth /18) ayeyi-kəriməsinin məna dərinliyini mübarizəsi ilə Hindistan müsəlmanlarına yaşatmış oldu. Bu gün yenə də elmsizliyin, qara cəhalətin tüğyan etdiyi dünyamızda qana boyanmış İslam coğrafiyası maddi və mənəvi diriliş sorağındadır. Allah Rəsulunun, Onun şanlı əshabının, böyük İslam alimlərinin və İmam Rəbbani kimi dövrümüzə yaxın olan İslam mücahidlərinin elmləri və əməlləri ilə sərgiləmiş olduqları qurtuluş nümunələri bizləri daima ümidləndirən məqamlarındandır. Rəbbimiz cümləmizi bu böyüklər kimi təmiz bir zəka, təslim olmuş bir nəfs, elm ilə əməl edilən sağlam bir təqva bütünlüyü iqlimində mübarək dinimizi ona aid olmayan bütün mənfiliklərdən təmizləyib Onu Haqqı ilə ayaqda tutan qullarından eləsin.

Amin